Wos gibt’s üba mi zu sagn?!
Hmmmm, i wurd am 4.12.1986 in Horn (Nö) geborn, aufgwoxa bin i in Gars am Kamp bis mi de Liebe 2014 noch Pövading verschlogn hot.
Ois Kind hob i a scho gern fotografiert. Meistns Haxn und Autorafn ^^.
Mei Mama hod ma mid der Zeit hoid nimma ihr Kamera geben, wei des domois nu zum Entwickln wor – oiso ollas a bissl teuer zum sinnlosn herum Knipsn. Bin daun in de nächstn Joah imma mehr zur Musik kuma und hob dann longsom angfongt selba zum Spün.
Trompetn hätt i zwor moi angfongt zum Lerna, hobs donn oba lossn bis i zu de Schoiplottn kuma bin und do mei Göd einegsteckt hob.
Ois donn de körperlichn Probleme (Baundscheiben und is Kreiz hoid) augfaungt haum, bin i auf a poar guade Sochn kuma de wirkli wos höfn.
Damit i Leid a weida höfn kann weil i waß wies mir ghoifn hod, lern i mittlerweile de Breuss Dorn Therapie und de TCM-Ohr-Akupressur. Ois nächstes is donn de Lymphdrainage dronn.